يا نجمة (ن) تسطع على صفحة الماي | |
| ومع نفحة النسمة تراقص وتجري |
واليا سكن ماها تجي منية شفاي | |
| اصير انا فوق(ن) وهي تصير حدري |
مره تصير فراش ومرة لي غطاي | |
| وحبيت نجم(ن) في دجا الليل يسري |
بعثرت انا الميعاد في خوض يمناي | |
| ثم صار نجمي بالملايين سحري |
ابكيك بالبسمة واباسمك ببكاي | |
| غيرت بي حال(ن) وانا كنت ما دري |
اخطيك باعذارك واماشيك بخطاي | |
| سمعت انا عذرك ولا سمعت عذري |
ياكم ليل(ن) راح ما ارتحت بغفاي | |
| وبيحت لنجوم السماء خافي امري |
اغنيك في نوحي واناجيك بغناي | |
| حيرت انا في حزة النوح قمري |
اناغيك بالناعي واناعيك بانغاي | |
| اطلقت لي غدرك وانا اوقفت غدري |
ياعلة بالروح ما شفتي دواي | |
| مر(ن) حلاك وسكرك صار مري |
اشوف انا اقصاكم تقارب مع ادناي | |
| مفضوح الاقصى وداني السر سري |
اطلبك يا يأس(ن) ترافق مع مناي | |
| يوم اختلط مع صاحي العقل هذري |
طالع وناظر في مكانك بحنياي | |
| وطالع لبستان الزهر تحت سدري |
كتبت انا اسماءك وشطّبت اسماي | |
| وتلقى حروفك اشرقت جوف صدري |
يا اول الدنيا ويا تالي ء دناي | |
| تهدي عصورك ساطي اللوع عصري |
يا اخر الدنيا متى صرت مبداي | |
| عمرك بدا بي وانتهى فيك عمري |
اربع حروفك يالغلا همسة الناي | |
| سكر(ن) لفكري وغولها غول خمري |
تقبل حظوظن لك وحظي بالاقفاي | |
| سرقت صفو العمر واهديت كِدْري |
همك يقد الروح ويقطِّع احشاي | |
| لا يا طليقن جوَّد اليوم أسري |
كم من ذليل(ن)لك فقد عين مع زاي | |
| وكم تهلك دروبك من الشوق عبري |
كم تاه في ظلمة لياليك مسراي | |
| لجت حروفي بالسطر لك وحبري |
صارت اماني العمر تقفي مع الجاي | |
| فوقن وتحت ومع يمينن ويسري |
ارفعك يا نجمي على الكف بدعاي | |
| ضمَّنت انا الدعوة مع الليل وِتْرِي |
دهرن لي انواءك وخصب (ن)لك انواي | |
| باحصر معك حسرات واتعبت حصري |
يا صرخة صارت رصيد(ن) من اصداي | |
| لفَّيتها لك محزمن حول خصري |
يا صخيِّف الكفين قطِّر لي انداي | |
| دونك ظما قلبي حفر لحد قبري |
يا غصن ورد(ن) توّجه وردة الشاي | |
| اخضر رطيبك وايبس الهجر خضري |
يا فاري المهجة ويا سر فرياي | |
| اشرفت انا للموت وتقول بدري |